يبقى انت اكيد في مصر

يبقى انت اكيد في مصر

على باب سفارة كندا
..لمحت ابليس و ف ايده استماره
..بقول له على فين
..قاللي بص
..يا هجره يا اعاره
..يا عم زهقت كفرت
..الاقيش معاك سيجاره
..انا انتهيت خلاص
..لا نافع وسواس ولا خناس
..ولا ليا عيش وسط الناس
دي عالم مجرمين
..عندكوا فائض ف الفساد
..في كل البلاد
..ومش محتاجين شياطين
..مليش عيش ف البلد دي
....بقالي سنين عاطل
...و انتوا بتعرفوا
..تقلبوا الحق باطل
..و تسلكوا القاتل
..و تمشوا ف جنازة المقتول
..ومفيش مشاكل
..يا عم ده انا بقيت أوسوس بالمقلوب
...و أقول للحرامي كفايه بقى توب
..انت هاتعمل كل الذنوب لوحدك
...و أنا ابليس
أشتغل واعظ
..ولا كمساري ف اتوبيس
..يا عم ده انا زمان
..كنت استنى حد ينسى
يسمي
..وهو بياكل لقمته
..دلوقتي كل اكلكم ملوث
..و بصراحه الواحد خايف على صحته
...ده مفيش ضمير اساسا
..عشان اموته
..و كل واحد بمزاجه
..خربانه ذمته
...يا عم ده كل حاجه اتسرقت
..وكده الاجيال الجديده
..م الحراميه اتظلمت
..يا راجل ده من كتر ما لطشت معايا
..خرجت ف مظاهره
..مع الناس اللي بتقول كفايه
...و برضه مفيش فايده

يا عم ده انا بقيت أوسوس بالمقلوب
...و أقول للحرامي كفايه بقى توب

ربنا يستر علينا

ويختم لنا على خير

بارك الله فيك

والله عندك حق ربنا يستر علينا
ومنور يا حسام

جامد الموضوع ده...
تسلم ايدك

nehal كتب:: جامد الموضوع ده...
تسلم ايدك

اشكرك يا نيهال على المرور ومنوره الموضوع

لا اله الا الله محمد رسول الله

جزاك الله خخيرا على مرورك

اشكرك جدا على الموضوع

اشكرك يا بلال على المرور